Hori da, berezia izango da. Izan ere, aurten berrogei urte bete dira lehenbiziko Araba Euskaraz ospatu genuela. Argantzungo ikastolaren alde ospatuko den arren, elkarrekin antolatutako jaia izango da. Zortzi ikastola gara Araban, Ikastolen Elkartearen baitan bildurik. Zortziak bat egingo dugu euskararen alde. Trebiñu baitugu zortzigarren kuadrilla, Trebiñu baitugu zortzigarren alaba.
Argantzungo ikastola 2003an sortutako ikastola da. Ordura arte bertako haur gehienek Gasteizerako bidea hartzen zuten ikasketak egitera; haurrek horrela euskara ikasi ahal zuten. Baina gauzak hobera joaten ari dira eta lortzen ari gara! Egun 67 ikaslez osatutako ikastola da.
GORA ARGANTZUNGO IKASTOLA!
